Saturday, February 14, 2009

Happy Valentine's Day???

估唔到會收花,太好了,分開左兩個花樽。
自家製金融海嘯價情人節晚餐,吞拿魚沙律,好好味。
三文魚刺身,正。
呢塊肉眼扒,唔係我食架。
我食春雞。
飯後甜品......點少得情人節必備既朱古力,今年勁呀........朱古力火鍋,哈哈哈。
悉心準備架,同上圖幾似,哈哈。(我自己係公司印既桌布)
加牛奶,再加兩排朱古力。
溶緊。
完成,可以食得!
blueberry,細細粒都幾好味。
最正係棉花糖!
奇異果,一般啦,都可以。
食晒之後,加埋剩餘牛奶,就變成好好好好好味既朱古力奶!
清晒!太滿足喇!呢套咁cute既朱古力火鍋套裝,吉之島超市有售,好平好抵玩!
(我係康怡果間買,唔知其他有無。)
禮物(我居然送電器)
呢個都啱洗,我個證件套由中學用到依家......係時候換個新架喇。


係咪好happy呢?

以上係happy事,不過有超級唔happy既事,就係第二日星期日要返工!What the FUCK!

講真,呢排真係無晒心機......無晒心情................唔好話慶祝,連休息,感覺都唔似休息,成個人埳入一個絕望既境界。

工作上既折磨,無日無之......太多壓力,而我已經決定,寧願成為無業游民,重新加入「坐食山崩會」,都唔想再繼續咁樣折磨自己......

不過有幾多人明白呢?人人都同我講「咁既時勢,唔好辭職住,一路做一路搵啦」點做?做到我都唔知自己做緊乜,做到我都唔知今日係星期幾,做到我連發夢見到同事,做到飯都唔想食,做到......根本唔知可以點,甚至乎唔知自己係咪仲應該留係呢行......

從來都未試過,咁想離開。

考慮左好耐,一路都猶疑不決,去到某個位,要爆炸時,就忍唔住要爆。過程中,多謝俾勇氣我既朋友。

你試下過我呢種所謂既「生活」,你就明白,如果唔係被壓迫到狗急跳牆,都唔會咁樣置之死地而後生,豁出去......

我唔知,呢個決定係好定唔好。我淨係想,快啲離開,真係好想離開。其他既事,顧唔到咁多。