Sunday, August 26, 2012

The New World




電視HBO播,睇睇下我就睇晒全片,好長,甚至可以用「悶」來形容,但畫面有詩意,其實拍得好靚好浪漫。羨慕死女主角,可以同Colin Ferrall做對手戲之餘,仲有個Christian Bale做老公,無敵幸福,有咩人可以抵擋Christian Bale深情眼神!起碼我唔得囉,真係溶化呀。故事其實係迪士尼「風中奇緣」嘅真人真事,美國土著女主角Pocahontas愛上白人侵略者,最後仲被同化埋去埋英國見皇上女皇,但佢心中仍然愛佢嘅族人,其實非常悲慘淒美。

劉感恩

唉,好攰,唔明自己份工點解咁戇居,時間長,壓力大,月薪少,點解呢,為乜呢。好煩,某啲人好煩,更加唔明點解某啲人可以咁他條、咩都唔理坐喺度就有高薪,做高層真好,難為我哋做細嘅,咩都要我哋搞晒,你得閒講一兩句廢話就得,又lead唔到我哋一team,成日都唔知做乜。好攰!好厭!好煩!想辭職!最多以後唔買嘢......淨係買股票.......(淚)

 星期五晚送別西門兄之飯,因為要睇props搞到遲到兩粒鐘,搭的士又唔記得拿單!真係趕頭趕命氣都無。 不過wooloomooloo prime環境真係好好,嘢食都好好食(唔知係咪因為我太餓),我想下次再去,情況唔係趕頭趕命、無工作煩惱之下慢慢嘆......西門兄,唔知幾時同你可以再飲下sake或者martini,下次見面已係12月之時,哈哈,希望你去到果邊一切順利。
星期六因工作關係又要出去搞一輪,為咗心理補償,開工前去咗中環文華 Cafe Causette high tea,平時都無呢個喜好,只係純為彌補一下,始終我都係喜歡食咸多過甜嘢,食物ok,選份量少啲,價錢甚至比出面某啲餐廳平,好抵食。喺中環順便去去巡下「我啲鋪」,平時根本無時間行街!見到我想買嘅嘢,然後因為太貴死咗條心,算數喇,我死心喇,以後想要,就上網睇算喇。(淚)

Monday, August 20, 2012

劉感恩

星期五係男人正日生日,去咗Harlan's慶祝,望住維港景懶浪漫。
雖然肉赤,但非常之好食,三式鵝肝同埋黑松露汁廿手摺通粉,強烈推介。

 

星期六晚同朋友們慶祝其他「8月之星」生日飯,
去咗尖東一間好多日本人去嘅居酒屋Hokahoka,ok啦,串燒同刺身最好食。
成班人熱熱鬧鬧,坐榻榻米,感覺隨意舒適。

一個蛋糕,三個名。食埋呢個終極甜品,真係飽到上心口。
 

除咗飲飲食食,仲好productive,花咗兩日下午,完成咗四幅畫,減壓良方。





Monday, August 13, 2012

The Intouchables



一個街頭少年,誤打誤撞下,做咗一個有錢癱瘓人嘅私家看護,
以為會好傷感,其實電影輕鬆幽默,完全無煽情位,好睇好睇。

劉感恩

今個weekend同班狗友玩得盡興,先係星期六上去人地屋企打邊爐,主人家超有心機整好晒、買好晒所有野食,非常正!食足4小時,一路食野、一路飲下啤酒、一路吹水,咁就水到凌晨一點幾,飲飽食醉返屋企,非常高興,大家都少放狗一晚。

星期日中午同屋企人飲茶,雙方家長會面,緊緊張張咁就過左關。
之後同Hugo去汀九近水灣游水,成班狗友一齊去,玩左兩個幾鐘,攰到無力,Hugo都盡興,返到屋企攰瞓到死豬咁,哈哈。希望遲啲有機會去珀麗灣果邊玩。

Hugo同小肥形影不離。

Monday, August 6, 2012

The Lady




以昂山素姬的真人真事為電影故事,當中,她與她丈夫的感情看到好心痛。她大可以返英國陪伴當時患了癌症的丈夫和孩子,但她的丈夫叫她堅持,不要回去。 兩個人分隔兩地,只得書信和被竊聽、隨時被斷線的電話,多年都是靠此聯繫,卻從沒有變過對對方的愛。堅毅的愛,沒有受到距離和時間的考驗,一直的堅持下去,實現了婚姻的誓言﹣直至死亡分開他們。一個男人,為她傾盡一切,處處為她著想;而她,為了自己的國家,犧牲了自己的青春、家庭,她的所有。

從心底裡尊敬一個如此堅強的女人。

洛比桑其實好善長煽情,好容易拍到好emotional。楊紫瓊好得不能再好,將一個看似柔弱其實堅毅無比的昂山素姬,演得有血有肉,惹人憐愛。


希望她的丈夫Michael Aris一直在天上守護著她,
也希望她以後的日子都不孤單。

The Best Exotic Marigold Hotel




好看的小品,一班英國老人家去印度安享晚年,有人重會舊情人,有人重新開始,各有各busy的老年生活。人老了,但只要自己肯改變,任何時候都不算太遲。

劉感恩

最近都係做嘢煩,壓力大,另外自己嘢又花左好多時間去做,瞓得好少。
 但有時我諗,我都想要多啲freelance jobs,當多啲「零用錢」比我去買嘢。
物慾無窮!真係要回頭是岸!淨係留連係ASOS同Topshop兩個網,都無左幾千蚊,淘寶果啲幾百蚊我都費事計。


星期五去左無冷氣既Marilyn Diner食飯,好食,抵食,
但真係熱到想死,如果冷氣大返少少會好好多囉。
特別呢一個星期都因為打風而焗到抽筋......之後約左個artist見面,我期待下一次inked。



從前我好討厭唇膏,但最近對呢樣嘢欲罷不能,想買齊咁多種色,包括lip gloss。自從病左好返之後,個人無咩血色,發現擦少少唇睇落已經好唔同,唔,我覺得自己正式成為老女人。因為我覺得只有老女人先鍾意擦,哈哈。