Tuesday, November 10, 2009

蘇梅


我都想日日好似上圖咁好天,無奈只係維持咗半日。28歲生日當天,喺天陰陰情況下,獨自暢遊呢個大而冰冷嘅泳池,為咗保暖一落水就不停游,游到自己發熱先停一停,之後更落大雨,生日當日就第一次試咗兩樣嘢:一個人獨霸泳池暢泳,同埋喺雨中暢泳。

成個trip無咩好事發生,除咗壞天氣無得出海無得曬太陽,自己出發前又病作感冒,去到再加腸胃不適;臨走當日天氣先放晴,居然喺機場中暑(機場似resort屋仔feel無冷氣)臨上機真係勁辛苦。

感覺真係灰,終日喺房到睇HBO,睇咗幾次Mission Impossible,幾乎睇到嘔。

好彩,死都要諗返啲好事的話,其實成個trip食嘅嘢都好正,求其一間餐廳或酒店room service嘅食物都好好;同埋喺酒店做咗次好正嘅massage,酒店嘅spa真係好好。

算啦,其實都唔係太差,只係感覺上浪費咗啲錢,陽光海灘嘅假期,無咗陽光海灘......

返到香港,我只係想繼續休息。28歲,大概就係要我學習,接受生命中種種不完美,開心的要盡量記住,盡量放大,不愉快的,呻過就算。

呢個蛋糕真係好surprise呢!(雖然係酒店送)

500 days of Summer

無想像中咁好睇,不過失戀既人可以一看。女仔男仔相識相愛,尚算浪漫。其後女仔飛男仔,男仔頹廢,女仔離奇閃電結婚,男仔離奇第二日好快佢又搵到第二個,證明世上無"The One",不過有好多"Chances"。雖然電影想現實呈現男女關係,可惜現實非如結局咁「膚淺」同簡單,有少少失色。

不過非常鍾意男主角,終於有小白臉我係覺得cute的,哈哈哈。

鍾意呢套戲的話,可以睇埋以下短片,導演額外再拍:


銀行跳舞
http://content.foxsearchlight.com/inside/node/3715

爆笑Sid and Nancy
http://content.foxsearchlight.com/inside/node/3590


Wednesday, November 4, 2009

Sunshine, I'm coming

又是時候放假,雖然是no pay,也很需要。


那麼多雜念,那麼多煩惱,那麼多擔憂......

我都沒有跟任何人說過。



就讓我放下幾天,好不好?

偶然的清靜,很重要。


最近喜歡這個意粉:

炒熟蘑菇,再加埋意粉一齊炒,最後落汁再炒,
就係加咗red pepper嘅pesto,比正常pesto更香口惹味,正。
(留意相片右上角:我喜歡用筷子食意粉^__^)

Tuesday, November 3, 2009

The September Issue


The Devil Wears Prada據聞就是base on Anna Wintour寫的。她有幾惡魔?在此documentry中未能詳盡表露,畢竟此片是Vogue group自己出的......最多只見到她的高貴舉止、她的冷酷,她的木無表情,沒有戲劇性的惡魔行為。

有人說,她是來辦事的,不友善、不打牙骹、不跟你交朋友也算是理所當然。看到她的辦事方法,也覺得十分佩服,一個有權力的女人,不怒而威。看到她會問女兒意見,也不是完全的專制。還有她與長期戰友Grace之間微妙的關係,是最津津有味的。

其實相比起意大利Vogue,美國版真的差很多,大概因為是賺最多錢,所以這個女人那麼巴閉吧?我比較喜歡法國版Vogue總編Carine Roitfeld的style,型很多。

Sunday, October 25, 2009

Whatever Works

Woody Allen新作,佢自己又唔做男主角,明明係佢寫照:神經質、尖酸、聰明、嘮嘮叨叨。
好典型嘅Woody Allen作品,好多搞笑對白,情節輕鬆幽默又少少荒誕。可能劇本係多年前寫落,有佢以前舊作嘅味道,個人鍾意呢套多過佢之前啲近作。

Tuesday, October 20, 2009

Awakenings

翻看1990年的「無語問蒼天」(難以置信幾乎是20年前!),淚流滿面,Robert de Niro的演出令人感到十分心碎。

我們習慣了的小事,工作、玩樂、散步......我們慣以為常的事,我們從不珍惜的事,對某些人來說,就是人生最大的享受,我們卻遺忘了,活著多好。

感到沮喪時,看這電影是很不錯的,提醒我們,即使是最折磨人的工作或感情問題,在病魔面前,也只不過是很小、很小的事。珍惜我們所擁有的,健康是所有事的大前題。

Monday, October 19, 2009

沒有創意的愛情



看了兩奪近期的荷里活愛情片,「單身大急救」和「求婚的惡魔」。看戲途中可能只有「哈哈」兩聲發笑,也只是這些電影唯一的用處,就是那兩聲「哈哈」罷了,沒有別的。

兩套戲都是predictable,劇情老土,完全估到。男女開始都是鬥氣冤家,女的都是較強勢的控制狂、工作狂,都是很久沒有與男人上床;男的都是可可愛愛,心地不錯,間接透露床上技巧超強。

點先?幾乎有同一個formula,真的有點厭。以為「單身大急救」會有點到肉的男女關係觀點?最後都是不外乎那些老土到極點的說法。幸好,抱著完全沒有期望的心情去看,純粹為了兩聲「哈哈」的話,看了也覺得沒所謂。只是不明白,為什麼那麼多人願意投資去拍一些「沒所謂」的電影?