
掛住傷春悲秋,話咁快就中秋!時間真係過得好快,阿甘今年已經八歲喇!已經係一個大叔,步入老年,有少少老態,例如毛色越來越淺,鬚變白,無以前咁活躍,無乜高速跑,只會得閒出來散下步,周圍瀨下尿。
尋晚發夢,夢見以前養過嘅狗,夢中抱住佢不停喊,大概好掛住,之後喊到醒咗,仍然記得擁抱住撫摸佢毛毛嘅感覺,甚至有啲衝動想去搵隻同品種嘅狗再養。好希望寵物一直留喺身邊,無奈天下間,月有圓缺,人有離合。年年中秋見到個圓月,都諗起失去過嘅嘢,世事永遠都唔可能似一輪圓月咁圓滿,我覺得人生就係學習面對不斷嘅失去,越經歷得多,就越能開懷。擁有,未必真係掌握在手。
誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有








