the room is on fire
Sunday, February 20, 2011
3 idiots
我真的喜歡這套印度喜劇,好笑又感人,荒誕滑稽但又很有意義,往往在悲哀情節後,又立即充滿正能量,而且所有演員都演得好,最鍾意bollywood無端端唱歌跳舞,看完令人滿心歡喜。
Saturday, February 19, 2011
兩套大陸電影
讓子彈飛大陸票房直迫七億多,看完只能說:「很重口味」,娛樂性是有的,但劇情也夠無聊。很多劇評人、專欄作家都詮釋它裡面的意思,但想多了吧?電影要是有更深層次的意思的話,那它很可惜地沒有清楚表現出來,整套戲看起來就是滿足電影製作人的創作慾而已,也像套鬧劇。
但姜文也實在厲害,把無聊的故事拍得好看,而他十幾年來也只導演過四套戲,卻各自在觀眾的腦海裡留下深深的印象,這一套更票房爆燈,不得不佩服他,導得好時,又演得好。
我喜歡第一集多一點,第二集有點無聊,結局也勉強得很,不見得有何感人之處,看了也覺得浪費時間。
Sunday, February 13, 2011
劉感恩
星期一至五有關工作上的事,都好很忙!好奔波!過去那個星期好多嘢做!好多會開!好多人見!好多片剪!好多音錄!臨近last day,俾人用到盡,我忍埋你呢個星期就走人!其實心情真係有啲難以形容。不過好快又有新開始,又多freelance,應該無咩時間俾我去傷春悲秋,我只係鍾意無啦啦寄來嘅支票。
星期六去了賭錢,打莊好好玩,特別係啲錢唔係我嘅,哈哈,但玩了大半日好累。
星期日在家中工作和看電影,雖然落雨但心情還算愉快。
感謝就這樣,過了一個非常productive的星期。
雨天星期天
又凍又落雨,最好留係屋企做freelance,同埋睇戲。
睇咗以下三套戲,「秋田犬八千」同「唐山大地震」擺明係催眼淚片,其實有啲討厭煽情戲,真係夠喇。
「分手說愛你」房祖明同薛凱琪呢對小情侶做得好好,好多對白同情節都幾真實,有同感就會心微笑,或者個心都酸酸地。唔鍾意導演果種「戲中戲」手法,完全無必要,簡簡單單咪好囉,搞埋啲多餘嘢。
Sunday, February 6, 2011
Little Fockers
睇呢套戲,原因有:
1)新年想笑下
2)第一集好好笑
3)第二集都OK
4)羅拔迪尼路
睇完,都OK啦,都幾好笑,點都好過「家有喜事2009」之類等港產極爛賀歲片。
另外,Jessica Alba真係索到飛起,佢個新角色又令呢套戲啲新鮮感。
劉感恩之新春大吉
今年係甘年,希望大家都身體健康同甘銀滿屋,廣結甘玉良緣,唔洗做鑊甘都有大把甘執!仲可以玩鑊甘!食鑊甘!嘆鑊甘嘅!
新年連放四日假真係正,今年屋企人喺香港可以去拜年有利是收,成家人坐埋一齊飲飲食食嘻嘻哈哈,真係好熱鬧好開心。又有假期可以休息下,呢樣真係好需要!今年沖太歲,初三去圓玄學院攝太歲,人多到癲,好得人驚!希望滿天神佛無嫌棄我極速擺低香燭因為實在太迫人太恐怖,我真係好誠心㗎哈哈!希望今年大家都順順利利啦!
Saturday, February 5, 2011
賀歲片:The Green Hornet
Michel Gondry拍動作片,我ok架,真係ok架。雖然個故事平平無奇,但好多細節都算有趣味,算係咁啦。(完全的偏心)
Seth Rogen做青蜂俠好似爭咁啲,可能佢都係肥肥地,同埋無咩主角氣勢,唔夠壓場,不過算啦佢係監製又係編劇。奸角揾Christopher Waltz就勁正,平衡返晒。周杰倫都ok呀,雖然有少少chok樣,但角色討好,感覺上都好過「頭文字D」同「不能說的秘密」裡面嘅周杰倫喇。
呢套ok呀,真係。不過3D真係有啲呃錢囉,可以話完全無必要,又無咩3D感覺,好貴呀戲飛!
Newer Posts
Older Posts
Home
Subscribe to:
Posts (Atom)