
終於捱到新年假期,期待已久。好似跑咗一個好長嘅馬拉松,終於去到一個休息站,坐低抖一抖,飲啖水,雖然終點真係唔知係邊......應該好狠遠。
假期無計劃做咩,我只係想瞓......
幾個月前睇咗Youth Without Youth呢套戲,買返原著小說睇,睇完發覺哥普拉都好忠於原著,好似一樣。睇小說版發覺男主角其實好乞人憎,鬼祟、古惑、神經、心計......原來搵Tim Roth做男主角係有原因。
呢排凌晨喺的士歸家途上,因為空氣差有啲煙霞,半夜無車嘅公路上,街燈下特別昏黃迷漫,加上散光,令我諗起套戲嘅影像,我覺得自己好似活喺另一個時空,或者被困喺一個惡夢裡面......雖然我知道係發夢,不過我醒唔到。
This is not my life...it's just a fond farewell to a friend...it's not what I like...
狠狠地洗啲錢,買嘢,彌補心態。買唔到快樂,買下快感都好過無。心靈被抽乾,物質上補償下,好過無。
攰。
攰攰。
攰攰攰。
所以我選擇咩都唔理,瞓覺......逃避,逃避,逃避。
新年快樂,恭喜發財。
No comments:
Post a Comment