Sunday, March 14, 2010

懶人煮食:煎與蒸

某日,整咗無骨雞翼。
去骨都去咗半個鐘。

醃咗煎咗佢,豉油皇無骨雞翼,正。
(燶咗少少)

另加兩條煎紅衫魚,煎到皮脆肉軟,正。

實在用得太多油,搞到成屋都係油煙味,想嘔。
家中抽油煙機真係廢到飛起,完全幫唔到。

第二日晚飯,就完全唔用油煮,食清啲。

炸菜蒸豆腐。
買一包現成砌好嘅炸菜,唔好買一舊舊果啲,辣到飛起。
水滾蒸10分鐘,之後落少少生抽,送飯一流。

史雲生雞湯浸菜心。
即係咁,呢個煮法唔係我諗嘅,不過即管一試。
無咩味囉,夠晒清。對味精敏感嘅我,食完都係好口渴。

加多個清清地嘅冬瓜瘦肉湯。
貪方便買百佳pack好嘅湯包,有砌好嘅冬瓜同瘦肉,
離奇地有兩隻鮮冬菇,同9唔搭8兩粒磨菇,
自己加咗幾片薑,好味啲。
其實百佳嘅湯包又的確方便,自己base on個湯包再加料又得,
水滾落晒啲料落去,滾佢兩個鐘就得。

No comments:

Post a Comment