2)滴滴果件黑白毛毛褸到手,好勁!著上身勁似熊人!去咗K11食個平飯,見到好靚嘅聖誕裝飾,係以Gaudi為主題,勁多色彩繽紛嘅馬賽克,當我見到個紙造立體聖家堂,第一個反應係:我都去過真果個!未知幾時起好呢?
3)去中環FoFo食個long lunch,嘢食麻麻地,好彩公司俾。
白酒OK啦。
唯一好食嘅頭盤。
古怪湯。
主菜呢個seabass真係麻麻。
甜品OK。
4)公司Annual Dinner,去咗美麗華酒店Whisk食飯,食咗大約有六、七道法國菜,大部份都係非常之好。
呢個OK呀。
個seabass都好食。
全晚最令人興奮嘅抽獎,我默默希望唔好俾我抽到大獎。因為上年春銘抽中巨獎,感覺好似用晒之後一年好運!之後好似衰足一年!不過世事就係咁奇,你越唔想中,就越係會中!!!!(我好想中六合彩,又唔見會中!)今年我都有預感會中勁獎,除咗人人有份嘅「豬肉獎」,我仲中埋第二勁獎,全晚獎品總值超過4千蚊......點呀!!!!!!好運會唔會就咁耗盡!!!???我好擔心!!!!!立即當晚捐出部份獎品,但求與眾同樂,唔想獨食難肥。之後再直落成班人去某同事屋企繼續飲,飲到凌晨3點返屋企,今次爭少少就嘔!第二日一早起身去camp,真係人都癲,眼袋就快大過對眼,救命!
No comments:
Post a Comment