2)朋友生日去食飯,Classified嘅大坑分店比人感覺溫暖自在,一圍人食下嘢吹下水幾開心。
焗芝士香滑漏出來,擦上鬆軟麵包上,真係好食到喊;
芝士盤都係牛奶芝士(因為羊奶太臭喇,有人食唔到),由強到淡味共5款,配紅酒真係好正,但9個人食唔晒,最後壽星仔打包剩底果啲。
3)因為上次寫一寫我家男人嘅住家菜,今個週末佢繼續試煮新嘢(睇下幾時厭),同埋唔知係咪激發起佢嘅「煮婦」DNA,竟然買咗大量廚房新器具,水煲、油樽、刨皮器、刀、調味樽、收納盒......好驚,有人會變全職煮婦。
星期六整咗蕃茄洋蔥魚柳,開開胃胃;同埋繼啫啫雞煲後,整咗個啫啫芥蘭煲,但係好咸囉!
4)星期日出去「襯」,尖沙咀海港城年年都聖誕都佈置得好靚,但實在人多到呢,好似全香港人都迫晒喺同一個地方,再加埋大陸人,去到真係舉步難行!每行半步就想爆粗!真係迫到嬲!
同埋出去行街嘅重點,其實都係想買嘢者。
自己送俾自己聖誕禮物(聖誕節真係一個買嘢嘅好藉口)又靚又實用,終於買到好開心。
但當然,係人送的話會更開心囉(酸溜溜),
有啲嘢真係女人先明白,同埋有啲嘢女人真係唔會明白。
No comments:
Post a Comment