Wednesday, February 17, 2010

懶人煮食:新年快樂

新年期間,由朝食到晚,
乜糕物糕,吞得就吞。
初一初二應該兩日可以增磅。
初三四自己煮下飯,點知啲菜要「搶」先有,
20蚊半斤菜心,真係貴到難以置信。
不過亦都可以反思一下,
點解我哋願意花幾百蚊買和牛,而花幾十蚊買菜就喊貴?
點解最有營養嘅蔬菜,永遠都唔夠肉矜貴?

anyway,菜心照買,不過買俾甘甘食。
自己就煮下小菜,清淡啲。


西蘭花炒雞柳
兩隻西蘭花,一盒美國雞脾肉,
用豉油、麻油、沙爹醬腌好雞肉,
先炒西蘭花,再炒雞肉,食得。


蕃茄南瓜海鮮湯
五隻蕃茄,少許南瓜,瘦肉一舊,蜆肉,蝦肉
水滾落料,慢火滾幾個鐘,掂晒,非常鮮甜。
天寒地凍,飲個熱湯,正。


花開富貴,祝大家虎年快樂。

No comments:

Post a Comment