Monday, July 26, 2010

飛砂風中轉


無無聊聊睇咗呢套戲,出乎意料咁好笑,莊文強呢個金牌編劇第一次做導演,雖然係古惑仔做題材,不過拍出來感覺又幾新鮮,幾好笑。而鄭伊健同陳小春呢兩個「古惑佬」配搭,行出嚟已經好江湖,小春做得唔錯架,伊健就十年如一,永遠都係一個表情,搵佢做呢個角色好可能都係因為「陳浩南」深入民心。最好笑反而係劉浩龍同陳子聰呢對兄弟,真係低能到笑死我。

呢套戲名來自發哥我有黑社會的日子主題曲,講出人在江湖身不由己嘅無奈。不過導演講得好嘅係,你有無為自己做少少嘢呢?有無去盡力掙扎呢?有無諗下計呢?定係你由得自己不情不願但係都順住個勢去呢?

No comments:

Post a Comment